Ola, <div><br></div><div>Supoño que a meirande parte de vós estaredes ao tanto disto: <a href="http://trasno.net/trasno:asociacion">http://trasno.net/trasno:asociacion</a>. Pois ben, obviamente estiven atento a tódalas valoracións que fostes emitindo aquí con respecto do asunto da coordenación do proxecto e logo de valoralo coa directiva imos propoñer algo ao respecto. </div>
<div><br></div><div>Queremos propoñer que sexa a asociación, como persoa xurídica que é, quen se faga cargo da coordinación do proxecto. Dende a asociación, de cada vez que fora necesario, proporiamos un coordenador que asuma contractualmente unha serie de obrigas. Isto sería, que cumpra a función de coordenador, que respecte o labor doutros voluntarios, que as decisións sexan imparciais e baseadas na meritocracia e no principio de calidade e excelencia da tradución; así mesmo que asuma a obriga de abandonar o cargo cando imcumpra cos seus deberes. E como non podería ser menos, a xente que traballades en Mozilla sodes os que tedes que dicir que cousas irán nese contrato ou pacto que asuma o coordenador e obviamente, quen é o coordinador.</div>
<div><br></div><div>Inda que non sabemos exactamente como se xestiona isto dentro da fundación, pois estamos pendentes de recibir contestación; si sabenos que esta fórmula é posible. Entendemos que Softcatalá hai un tipo de relación coa fundación deste estilo. </div>
<div><br></div><div>Como tampouco vexo que haxa unha decisión firme sobre quen debe ser o coordinador, proporei un candidato para que o meditedes. De novo, os que traballades en Mozilla sodes os que tedes que decidir. Popoño a Enrique Estevez (Keko), da OSL da USC. Ten un perfíl técnico, que o cualifica para a tarefa, e estivo a realizar unha revisión recentemente de Mozilla, e que hai pouco vos expuxo aquí. No persoal é unha persoa dialogante e bastante neutral. Sobra dicir que, propoñamos un candidato ou asumamos como asociación a coordinación, non quita de que os que queirades sigades a traballar no proxecto e sexades os que marquedes as pautas de traballo. O noso papel sería meramente burocrático. </div>
<div><br></div><div>Atentamente, </div><div><br></div><div>Miguel Branco</div><div><br></div><div>Pres. Asociación Proxecto Trasno</div><meta http-equiv="content-type" content="text/html; charset=utf-8">